Ўзбекистон Республикаси Вазирлар Махкамасининг 2020 йил 24 августдаги 502-сон карори ижроси тўғрисида Ўзбекистон Республикаси Вазирлар Махкамасининг “Атоқли мутафаккирларимиз ижодий меросини ёшлар ўртасида тарғиб қилиш мақсадида “Адиблар хиёбонидан самарали фойдаланиш чора-тадбирлари тўғрисида”ги 502-сон қарорига мувофиқ Соғлиқни сақлаш вазирлигининг 2020 йил 28 августдаги 8-7-8/922-сонли хати ижросини таъминлаш мақсадида 09 сентябрь куни ТТА ректори Л.Н.Туйчиев бошчилигида проректор, барча факультет деканлари, декан муовинлари ва энг иқтидорли талабалари Адиблар хиёбонига ташриф буюришди.
Бугунги кунда тарихни халқимиз, айниқса, ёшлар қалбига сингдириш, уларни аждодлар хотирасига ҳурмат руҳида тарбиялаш мамлакатимизда давлат сиёсати даражасига кўтарилган. Президентимиз жорий йилнинг 20 май куни Адиблар хиёбонининг очилиш маросимида боғда сиймолари ҳайкалларда акс эттирилган ҳар бир адибнинг ҳаёт ва ижод йўлини ўрганиш, уларни халқимизга етказиш бўйича топшириқлар берган эди. Тошкент шаҳридаги 24 та олий таълим муассасасига бир нафардан адиб фаолиятини ўрганиш вазифаси топширилган эди. Одамлар қалбига энг яқин ва яхши йўл эзгу сўздир. Илм эса яхши сўзлар жамланмаси, инсонни камолот дара жасига олиб чиқадиган нажот қалъаси-дир. Бу қалъани эгаллашни бизга китоб ўргатади. Зеро, китоб инсоният учун ақл- идрок маёғи, тафаккур сарчашмаси бўлиб хизмат қилади. Бу эса ҳар томон-лама соғлом инсонни тарбиялашнинг асосий мезонидир. Президентимиз ташаббуси билан пойтахтимиздаги Адиблар хиёбонини адабиёт, маърифат ва маданият масканига айлантириш, бу ерда очиқ дарслар, маърифий тадбирлар ўтказиш бўйича берилган тавсиялар талаба ёшларнинг китоб ўқишга бўлган қизиқиш ва мустақил ижоддаги интилишларига ўзгача илҳом бағишлади.
Тошкент тиббиёт академиясида талаба-ёшлар ўртасида шоира Зулфияхоним ҳаёти ва ижодини чуқур ўрганиш ва кенг тарғиб қилиш бўйича “йўл харитаси” ҳамда Адиблар хиёбонида академия то-монидан 2020 йил июнь ойидан бошлаб амалга ошириладиган ишларга доир чора-тадбирлар режаси ишлаб чиқил-ди. Тиллар кафедраси ҳузурида шоира ҳаёти ва ижодига бағишланган “Зулфия – ижодхонаси”, Ахборот-ресурс маркази-нинг филиалларида ижодкор қаламига мансуб китоблар жамланмасидан иборат “Зулфияхоним асарлари бурчаги” ташкил этилди. Телеграм каналларимиз ва махсус ботлар орқали мумтоз ва за-монавий адиблар асарларининг элек-трон нусхалари, ёзувчи ва адабиётшу-носларимизнинг маҳорат сабоқларини тўплаб, талабалар ўртасида кенг тарғиб қилишга ҳам алоҳида эътибор қарат-моқдамиз.
Шоира издошлари клуби иш фаоли-ятини ёритувчи “Зулфияхоним қизлари” баннерлари яратилди. Ҳафтанинг ҳар шанба кунлари профессор-ўқитувчилар ва ижодкор талабалар билан Адиблар хиёбонида маънавий-маърифий тад-бирлар ўтказилиши анъанага айланди. Бу ерда шоиранинг она ватанни мадҳ этувчи юзлаб нодир назмий асарлари, вафо-садоқатни тараннум этувчи шеър ва ғазаллари бўлажак шифокорларнинг қалбига кўчган, десак янглишмаган бўламиз. Иқтидорли талаба Фарангиз Жумаева шоира асарлари номларини шеърга солиб, Республика талабалар фестивалининг “Мен севган адиб” танловида фахрли 2-ўринни эгаллагани бунинг амалий исботидир.
Айни кунда академия талабалари Зул-фия ҳаёти ва ижодий фаолиятига оид маьлумотлар асосида кўргазмали баннер ва планшетлар тайёрлаш жараёнида қизғин иштирок этмоқда. Асосий мақсадимиз тез орада шоира номидаги “Ёш ижодкорлар” клубини ташкил этиш ва беш ташаббус тамойилини ёшлар орасида кенг тарғиб қилишга қаратилган.
Зулфияхоним ижодини бугунги ёш ав-лодга чуқур ўргатаётганимиз бежиз эмас. Шоиранинг теран фикри, буюк инсоний хис-латлари, садоқати ёшларни ҳар бир ишга чинаккам меҳр ва иштиёқ билан ёндашишга ҳам ўргатади. Зеро, биз инсон саломатли-ги ҳақида қайғурадиган етук мутахассислар тайёрлашни ўз олдимизга мақсад қилиб қўйган эканмиз, тиббий билимлар хазинасини маънавият ва маърифат дурдоналари билан бойитмоғимиз зарур. Бунда бизга шоира Зулфияхонимнинг ўлмас асарлари ҳам йўл курсатади деб уйлаймиз.
Хиёбонда талабалримиз Зулфия ижодига мансуб монолог ва шеърий туртликлар билан чиқиш қилдилар. Барча иштирок этганлар фикрига кура, Бугун мамлакатимизнинг энг хушманзара масканларидан бири бўлган Адиблар хиёбонига борган ҳар бир киши чуқур ҳисни туяр экан, ёзувчи ва шоирларимизнинг у ерда қад ростлаган ҳайкаллари тимсолида ўзбек миллатининг шонли ўтмиши, бугунги эркин ва озод юртни барпо этишда босиб ўтилган оғир ҳамда залворли йўлларни кўз олдидан ўтказади.
Бу ўтмиш зарварақларига битилган ва асло унутилмайдиган тарихдир.